
إزاي تعمل متجر أونلاين لمحلك ببلاش
متجر باسم محلك في دقيقتين، من الموبايل، من غير عمولة ولا اشتراك شهري.
لو عندك محل (بقالة، صيدلية، مكتبة، ملابس، أدوات منزلية، مطعم أو أي نشاط) وعايز زباينك يشوفوا منتجاتك وأسعارك ويطلبوا من الموبايل، تقدر تعمل متجر أونلاين على متجري من مُجتمعي. المتجر ببلاش، ومفيش عمولة على البيع ولا اشتراك.
الخطوات
- افتح tajer.mogtama3y.com واعمل حساب بإيميلك أو بحساب جوجل.
- اكتب اسم محلك ونشاطه ورقم الواتساب والمنطقة اللي بتوصّل لها ومصاريف التوصيل.
- ضيف منتجاتك: صورة واسم وسعر لكل منتج. ولو مستعجل، اختار من منتجات جاهزة لنشاطك وحط أسعارها بس.
- هتاخد لينك وQR باسم محلك. اطبع الـ QR وعلّقه على المحل، وابعت اللينك لزباينك وفي جروبات المنطقة.
- لما يوصلك طلب، هيظهر في لوحة المحل، والزبون يقدر يبعته على واتساب كمان. جهّزه وحدّث حالته.
الزبون بيدفع إزاي؟
الدفع عند الاستلام متاح لكل المتاجر. وفي مصر تقدر تفعّل الدفع الأونلاين بالكارت أو المحفظة أو كود فوري (الخطوات هنا).
هيظهر في جوجل؟
أيوه. متجرك بيبقى ليه صفحة في دليل مُجتمعي، وكل منتج بسعره ليه صفحة لوحده، وده بيساعد الناس اللي بتدوّر على المنتج في منطقتك تلاقيك.
افتح متجرك ببلاشأدلة تانية
- إزاي تستقبل طلبات محلك على واتساب بلينك وQR
- محلك موجود في الدليل؟ استلمه متجر جاهز
- إزاي تفعّل الدفع الأونلاين لمتجرك في مصر
كل الأدلة · آخر تحديث: 2026-11-10
أسئلة شائعة
هل فيه عمولة على البيع أو اشتراك شهري؟
لا. فتح المتجر وإضافة المنتجات واستقبال الطلبات ببلاش، من غير عمولة ولا اشتراك. لو فعّلت الدفع الأونلاين، بتدفع رسوم بوابة الدفع بس.
محتاج خبرة تقنية أو موقع؟
لا. كل حاجة من الموبايل أو الكمبيوتر من المتصفح، ومن غير ما تنزّل تطبيق.
الزبون لازم يعمل حساب عشان يطلب؟
لا. الزبون يطلب باسمه ورقمه وعنوانه، والطلب يوصلك على لوحة المحل.